Османи за грчки весник: Очекувам напредок во ЕУ интеграциите, пред да се затвори спорот
Скопје и Атина во последно време даваат јасни сигнали дека имаат на ум да ја сменат досегашната политичка пат – позиција и да работат на градење на доверба меѓу двете општества, оценува вицепремиерот за европски прашања, Бујар Османи во интервју за грчкиот весник „Ефимерида“.
Во интервјуто, вицепремиерот Османи се осврнува и на посетата на шефот на грчката
дипломатија Никос Коѕијас на Македонија.
„Односите меѓу Скопје и Атина долго време имаа зацементирани позиции на целосна недоверба и нивно менување не може да се очекува да се случува голема брзина. Добро е што со своите постапки, и Скопје и Атина, јасно покажаа дека имаат намера да ја менуваат досегашната политичка пат позиција и да работат на мерки и активности за изградба на доверба меѓу двете општества.Во таа смисла очекувам конкретни чекори од страна на двете земји, а во насока на зајакнување на довербата, и мое мислење е дека тоа ќе резултира и со напредок во европските и евро-атлантските интеграции на Република Македонија, дури и пред да имаме конечно затворање на спорот за името на нашата земја“, вели Османи.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа