Септември носи пресврти со времето - сонце уште денеска
Времето денеска во Македонија ќе биде сончево и топло со мала до умерена локална облачност. Ќе дува умерен југозападен и западен ветер кој во западните делови ќе засилува.
Утринската температура ќе се движи од девет до 16, а дневната од 27 до 35 степени. УВ-вредноста ќе изнесува 7.
Во Скопје слично време, сончево со мала до умерена облачност. Утринската температура ќе се спушти до 13, а дневната ќе се искачи до 35 степени.
Утре нашето подрачје ќе биде под влијание на влажна и нестабилна воздушна маса што ќе услови променливо облачно и нестабилно време со пороен дожд, грмежи и повремено засилен југозападен ветер. Пообилни врнежи се очекуваат во попладневните часови и во источните делови од земјава. Локално процесите ќе бидат поинтензивни.
Од понеделник времето ќе биде променливо и посвежо, а кон средината на неделата со локални врнежи од дожд.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
