Невреме го парализираше регионот - метеоролозите најавуваат промена на времето во Македонија

Времето во Македонија денеска ќе биде претежно сончево и топло, а на повеќе места дневните температури ќе бидат над просечни за овој период. Утринската температура ќе се движи од 9 до 15, а дневната од 25 до 33 степени, додека УВ-вредноста ќе изнесува 7.

Во Скопје времето ќе биде слично, претежно сончево и топло, со утринска температура  до 11, а највисока дневна до 33 степени.

Утре времето ќе биде претежно сончево и топло, на повеќе места со натпросечни дневни  температури на воздухот. Попладне почнувајќи од запад облачноста ќе се зголемува, а кон крајот на денот и  во текот на ноќта како и во вторник претпладне, под влијание на нов влажен бран  повторно ќе има  на повеќе места нестабилност со поројни врнежи од дожд и грмежи. Локално се очекува процесите да бидат и поинтензивни, особено во западните делови од земјава. Ќе дува и засилен јужен ветер.

Според најавите од УХМР, и во вторник претпладне, под влијание на нов влажен бран повторно ќе има услови за локална нестабилност со пороен дожд и грмежи, особено во западните делови од земјава, а ќе дува и засилен јужен ветер. Потоа во наредните денови времето ќе биде стабилно и малку посвежо.