Расправата за законот за употреба на јазиците продолжува утре
Собранието на Република Македонија попладнево ја продолжи 15. седница по Предлог-законот за употреба на јазиците на која пратениците од опозицијата продолжија со реплики, контрареплики, процедурални забелешки и обвинувања.
Претеседателот на Парламентот, Талат Џафери, по 20-минутно продолжение ја прекина седницата и најави дека ќе ја продолжи утре во 11 часот. Џафери даде еден час пауза и најави продолжување на 16. седница во која има закон по итна постапка.
Претпладнево пратениците од опозицијата го повторија ставот дека законот за јазиците е противуставен и побараа негово повлекување со цел да биде доработен. Според нив, со имплементацијата на законот нема да се подобри соживотот во државата.
За парламентарното мнозинство законот е во согласност со Уставот на Република Македонија и со него не се воведува двојазичност на целата територија на државата. Законот за јазиците, како што посочија, обезбедува целосна граѓанска рамноправност.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа