Делев: Во време на кампања државата е задолжена за 62 милиони евра

Економското цунами ни се случува пред нашите очи. Владата на СДС во период на изборна кампања се дрзна во вторник државата да ја задолжи за скоро неверојатни 62 милиони евра, истакна Христијан Делев од ВМРО-ДПМНЕ на денешната прес-конференција.

-Министерот за задолжување по нарачка на Зоран Заев издава широка палета на државни хартии од вредност составена од: 6 месечни записи, 12 месечни записи, 2 годишни обврзници, 3 годишни обврзници и 15 годишни обврзници, со и без девизна клаузула. Да почитувани граѓани, да потсетиме дека пред само недела дена расипничката влада на СДС државата ја задолжи за 76 милиони евра, додека до сега има задолжено над 250 милиони евра, вели Делев.

 

Тој вели дека додека, со најавеното задолжување во вторник, долгот на државата ќе се искачи за над 310 милиони евра, и тоа за период од само 4 месеци.

-Со се стопените државни резерви од над 177 милиони евра, СДС успеа државата за 4 месеци да ја задолжи за неверојатни 477 милиони евра. Кои истите може да бидат искористени и за поткупување на гласови во текот на локалните избори. Очигледно својата неспособност владата на СДС ја покрива на најскапиот и најлош начин, со безмилосно трошење на парите на граѓаните. За ваквото несовесно работење следи одговорност, која многу скоро граѓаните ќе му ја испорачаат на 15-ти октомври, потенцираше Делев.

 

 

 

28.09.2017 - 15:17

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега