Уште малку сонце, потоа нагла промена - УХМР јавува што не чека
Времето во Македонија денеска ќе биде сончево и топло со мала до умерена облачност и со слаб до умерен јужен ветер.
Како што информира УХМР, минималната температура ќе се движи од три до 9, а максималната од 23 до 28 степени.
Во Скопје времето ќе биде малку до умерено облачно со слаб јужен ветер и температура, која ќе се движи од 7 до 26 степени.
Стабилното, суво и топло време со позитивни утрински температури ќе продолжи и понатаму. Максималните температури ќе бидат над просекот за овој период од годината.
Вo понеделник ќе има зголемување на облачноста и локални врнежи од дожд, а температурата ќе биде во опаѓање. Ќе дува умерен до засилен ветер од северен правец.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа