Вработен во Општина Карпош неовластено сменил брави во простории на Општината

Стевчо Јакимовски вчера во полиција пријавил дека вработен во администрацијата ги променил бравите на просториите на архивата и на комисијата за јавни набавки.

Вчера во 14 часот и 40 минути С.Ј. градоначалник на Општина Карпош, пријавил дека А.З. вработен во администрација во Општина Карпош, без никакво овластување и знаење ги земал клучевите од просториите на архивата и на комисијата за јавни набавки и во текот на изминатото деноноќие неовластено ги променил бравите, при што општинската администрација нема увид и пристап до архивата и комисијата за јавни набавки на општината, соопшти Министерството за внатрешни работи.