Грчката полиција потврди дека се уапсени Грујевски и Бошковски
Грчките власти потврдиле дека уапсиле двајца мажи на аеродромот во Солун, кои од Македонија се бараат за обвиненија поврзани со нелегално прислушување, пренесува БТА.
Полицијата соопшти дека двајцата биле уапсени минатата ноќ на аеродромот во Солун со лажни бугарски документи.
Министерството за правда треба да ја почне постапката за екстрадиција откако ќе го добие известувањето од Интерпол за апсењето на Горан Грујевски и Никола Бошковски во соседна Грција.
Од Министерството за правда информираат дека се уште немаат добиено такво известување од Интерпол.
Министерството за внатрешни работи се уште нема добиено официјална потврда од грчката полиција за апсењето на поранешните началници.
Бошковски и Грујевски се обвинети од СЈО во случаите „Тврдина“, „Таргет“ и „Тврдина 2“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
