Седница на Комисија за прашања на изборите и именувањата
Собраниската Комисија за прашања на изборите и именувањата на денешната седница ќе ја утврди одлуката за изменување на Одлуката за избор на претседатели, заменици на претседателите, членови и нивни заменици на комисиите на Собранието на Република Македонија.
На дневен ред на седницата се и предлог одлуките за изменување на одлуките за избор на претседател, заменик на претседателот, членови и нивни заменици на Комисијата за прашања на изборите и именувањата, на Националниот совет за евроинтеграции, на пратеничките групи на Собранието на РМ за соработка со парламенти на други држави, како и на Комитетот за односи меѓу заедниците.
Членовите на Комисијата ќе ги утврдат измените на одлуките за избор на претседател, заменик на претседателот, членови и нивни заменици на собраниските делегации во Парламентарниот комитет за стабилизација и асоцијација, во Парламентарното собрание на Советот на Европа, во Парламентарното собрание на Северноатлантската договорна организација и во Парламентарното собрание на Процесот за соработка во Југоисточна Европа.
На дневен ред е повлекувањето на Предлог одлуката за именување на заменици на генералниот секретар на Собранието на РМ од 14.07.2017 година, како и утврдувањето на Предлог - одлуката за именување на заменици на генералниот секретар на Собранието на Република Македонија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа