Пожарот на Градежен факултет ставен под контрола

Пожарот што избувна изутрината на Градежниот факултет во Скопје е локализиран, но се уште се работи на негово целосно гаснење, изјави за МИА командатот на Територијалната противпожарна единица на Град Скопје Ѕвонко Томевски. Се проверуваат и се расчистуваат просториите на вториот кат од факултетот зафатени од пожарот. 

Според командатот на Територијалната противпожарна единица на Град Скопје Ѕвонко Томевски огнот зафатил три простории на вториот кат од Градежниот факултет. Тој е ставен под контрола.

-Пожарот е пријавен меѓу 9 и 10 часот, се интервенираше со над 10 пожарни возила, бидејќи имаше опасност огнот да се прошири. Засега се утврдуваат причините, сите се евакуирани навремено. За среќа противпожарната единица не не наиде на никој во просториите каде што гореше, рече Томовски.

Пожарот го гаснат неколку возила на Територијалната противпожарна единица.