Исчезнатиот маж од Тетово бил киднапиран - киднаперите се закануваат

Вистинска драма за семејство од тетово, синоќа во 18 часот во просториите на Полициската станица Тетово, се јавил 33-годишниот Н.Б. од селото Боговиње и пријавил дека неговиот зет бил киднапиран.

Тетовчанецот на полицајците во телефонски разговор им раскажал дека се работи за неговиот зет, 33-годишниот А.А. од селото Жеровјане, кој пред два дена во 15 часот во Полициска станица бил пријавен како исчезнат.

Откако А.А. бил пријавен за исчезнат, на Н.Б. му биле испратени СМС пораки дека неговиот зет и неговото возило се задржани од непознати лица и дека ќе го пуштат откако ќе им дадат одредена сума на пари.

Се преземаат мерки за пронаоѓање на лицето и целосно расчистување на случајот.