Средба Димитров-Коѕијас во Брисел
Шефовите на дипломатиите на Македонија и на Грција Никола Димитров и Никос Коѕијас денеска ќе имаат билатерална средба на маргините од состанокот министрите за надворешни работи на земјите од ЕУ во Брисел.
Средбата Димитров - Коѕијас во Брисел ја потврдија и македонското и грчкото МНР.
Се очекува да стане збор за продолжувањето на разговорите за решавање на прашањето за името најавено за крајот на месецот, како и за мерките за градење доверба меѓу двете земји.
Грчкиот министер за надворешни работи Никос Коѕијас викендот пред заминувањето во Брисел изјави дека Грција сака да се реши прашањето за името и оти тоа јасно им го става на знаење на своите партнери во ЕУ и на Вашингтон.
Тој претходно изјави и дека очекува прашањето за името да биде затворено во првата половина во 2018 година.
Шефот на македонската дипломатија Никола Димитров и премиерот Зоран Заев, пак, минатата недела истакнаа дека во Македонија има политичка волја за решавање на спорот, оти треба да се направи исчекор и да се искористи позитивната клима во односите со Грција.
Потврдија дека разговорите за прашањето со името ќе продолжат кон крајот на месецов
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа