Возачи внимателно - влажни коловози и отежнат сообраќај

Сообраќајот на државните патишта во Македонија до 18 часот се одвива по влажни коловози, информира АМСМ. 

Интензитетот на сообраќај на патните правци надвор од градските средини е умерен, додека на граничните премини од македонска страна нема подолги задржувања за влез и за излез од државата.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Особено во клисурите и засеците каде можна е појава на одрони.

Потсетување за водачите дека од 15-ти ноември стапи на сила законската обврска за задолжително поседување на зимска опрема во возилата, без оглед на временската состојба. Оваа обврска ќе трае до 15-ти март 2018 година.