Законите за платите и вредносните бонови пред пратениците
Собранието на Република Македонија денеска ќе ги одржи продолженијата на осмата, дванаесеттата и тринаесеттата седница.
На дневен ред на продолжението на осмата седница, меѓу другото, е предлог одлуката за именување на функцијата заменици на генералниот секретар на Собранието на Република Македонија.
На продолжението на 12-тата седница пратениците треба да ги разгледаат предлог законите за дополнување на Законот за исплата на платите, за изменување и дополнување на Законот за извршување и за издавање вредносни бонови, сите по скратена постапка.
На 13-тата седница пратениците ќе расправаат по интерпелациите за работата на министерот за земјоделство, шумарство и водостопанство Љупчо Николовски и на министерот за труд и социјална политика Мила Царовска.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа