Студен бран утрово во Македонија - метеоролозите најавуваат снег на повеќе места
Времето во Македонија ќе биде облачно со слаби локални врнежи од дожд, претежно во југоисточните делови.
Утринската температура ќе се движи од два до 11, а дневната од седум до 13.
Во Скопје слично време, облачно со слаби врнежи од дожд. Утринската температура ќе се спушти до седум, а дневната ќе се искачи до 11 степени.
В недела ќе преовладува променливо облачно време, кон крајот на денот во северозападниот дел од земјава ќе има врнежи од дожд кои на планините и на некои повисоки места ќе преминуваат во снег. Врнежите ќе продолжат и во понеделник претпладне кога ќе дува засилен северен ветер и ќе предизвика значителен пад на температурата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
