Изгоре ноќниот клуб „Ориентал": Штетата 3 милиони, сопственикот не барал увид
Околу 06:00 часот на автопатот Гостивар-Тетово на излезот од селото Жеровјане, од засега неутврдени причини, настанал пожар во ноќен клуб „Ориентал“, при што бил опожарен инвентарот, а од чадот било направено оштетување на ѕидовите во внатрешноста на објектот, информираат од МВР.
Пожарот бил изгаснат од екипа на Територијална противпожарна единица-Тетово. Објектот бил затворен и иако сопственикот не барал да се изврши увид, по претходно добиено овластување и инструкциии од надлежен Јавен обвинител при Основното Јавно Обвинителство-Тетово, од страна на увидна екипа од СВР-Тетово бил извршен увид на местото на настанот.
Причинета била материјална штета од околу 3.000.000 денари.
СВР-Тетово презема мерки за целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
