Идната недела првиот снег во Скопје
Идната недела ќе се создадат услови за првиот снег во Скопје. Според меторолозите, по стабилниот и релативно сончев викенд, од понеделник влажен бран доаѓа над Македонија кој ќе донесе значително намалување на температурите.
Веќе во понеделник, дневните температури во Скопје нема да надминат 6 степени а утринските ќе се спуштат и до 4 степени под нулата.
Влажниот бран во понеделник вечерта може да донесе и снег во Скопје, но со оглед на тоа што во текот на денот ќе врне и дожд, не се очекува задржување на снежна покривка.
Студеното време ќе се задржи до среда а од четврток ќе почне стабилизација која ќе донесе благо зголемување на дневните температури кои повторно ќе се движат околу 10 степени.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа