Метеоролозите прогнозираат: Вечерва 10 сантиметри снег во градовите - цела Македонија бела

Влажниот бран кој од вчера ја зафати Македонија ќе донесе многу снег, прогнозира метеорологот Славчо Попоски за порталот МетеоМакс. Според информациите објавени таму во текот на оваа ноќ снежните врнежи од планините ќе се спуштат на пониските места, особено во градовите на северот, североистокот и истокот на Македонија. Според прогнозата, снежната покривка на некои места на планините ќе надмине 30 сантиметри, додека во некои градови ќе биде околу 10 сантиметри.