Сашо Стефановски негира дека го привеле утринава

Поранешниот директор на Фондот за здравство, Сашо Стефановски, негира дека утринава бил приведен. 

Стефановски за Република вели дека воопшто не е точна информацијата дека тој е приведен во полициска станица и дека станува збор за лажна вест.

Утрово се приведени Митко Чавков, Митко Пешев, Душко Лазаров, Владо Јовановски, Горан Ангелов, Крсто Мукоски и Љубен Арнаудов, една пратеничка, Игор Дурловски...вкупно 36 лица.

Тие се гонат според член 313 од кривичниот законик, според кој тој што со намера да го загрози уставниот поредок или безбедноста на Република Македонија ќе предизвика или сериозно ќе се закани со предизвикување експлозија, пожар, поплава или друго општоопасно дејствие или акт на насилство, создавајќи чувство на несигурност или страв кај граѓаните, ќе се казни со затвор најмалку десет години.