Ќерката на Чавков: Татко ми го третираат како терорист
Ќерката на приведениот Митко Чавков, Зорица Чавкова, во изјава за Телевизијата Нова вели дека е разочарана од односот на полицијата која го третирала нејзиниот татко како да е терорист.
„Рано утринава околу пет часот полицијата упадна во нашиот дом, направи претрес со безброј нерегуларности и го зедоа татко ми. Татко ми целиот свој живот го има посветено и целата својата кариера ја има поминато во МВР каде што посветено и пожртвувано се грижеше за заклетвата што ја имаше дадено дека ќе ги брани и чува законите и Уставот на земјава.Големо лицемерие е човек кој цел живот се борел за сузбивање на безброј терористички акции,сега го третираат како терорист, вели Зорица за ТВ НОВА.
Инаку, таа додава и дека тој има проблеми со срцето, и дека не им дозволиле да му ја дадат терапијата.
Чавков денеска беше приведен со уште 35 лица за настаните од Собранието на 27 април.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа