Дамовски и Јовановски пратени во Шутка - Судот ја промени одлуката
Кривичниот суд во Скопје ја промени одлуката и ги уважи жалбите на Основното јавно обвинителство за гонење организиран криминал и корупција, по што одреди мерка притвор од 30 дена на уште две лица за настаните во македонското Собрание од 27 април.
– Кривичниот совет при Основниот суд Скопје 1 – Скопје, постапувајќи по жалба на ОЈО за гонење организиран криминал и корупција, донесе решение со кое ги уважи жалбите на обвинителството и решенијата на судија на претходна постапка ги преиначи на начин што е уважен предлогот на обвинителството за определување мерка притвор и на осомничените Б.Д. и В.Ј. им определи мерка притвор во траење од 30 дена, се вели во соопштението.
За останатите осомничени опфатени со истиот предлог на ОЈО за гонење организиран криминал и корупција за кој судија на претходна постапка им определи мерка притвор, Кривичниот совет ги потврди решенијата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа