Пожар беснееше попладнево во Кисела Вода

Пожар попладневно избувна во куќа во населбата „11 Октомври“ во Кисела Вода.

- Опожарена е внатрешна просторија во куќата и нема повредени, изјави за МИА Ѕвонко Томевски, командант на Противпожарната единица на Град Скопје.

Интервенирано е со три возила и осум пожарникари. Пожарот е изгаснат, екипите се уште го расчистуваат теренот.

Засега не се познати причините за пожарот, кој бил пријавен во 17 часот и 10 минути.