Малолетник од Кратово му украл 10.000 евра на татко му
Надворешната канцеларија за криминалистички работи Кратово, до Основното јавно обвинителство Куманово поднесе известување против 14-годишник од Кратово поради постоење основи на сомнение дека сторил кривично дело „кражба”.
Малолетникот, во периодот од 26.04. до 01.05. годинава, искористувајќи згодна прилика и необезбедна врата од подрумска просторија од куќа, лоцирана на улицата „Мирче Ацев“ во Кратово,на неговиот татко, влегол внатре и од машки кожен паричник, во кој имало 15.500 евра, 700 американски долари и 20.000 денари во разни апоени, одзел 10.000 евра во апоени од по 500, 200 и 100 евра и 100 американски долари или севкупно околу 620.000 денари.
Кражбата, во Полициската станица Кратово, ја пријавил неговиот татко.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа