Страшна несреќа во Македонија - прегазена ученичка
Петнаесет годишно девојче е тешко повредено во сообраќајна несреќа која вчера околу 17 часот и 20 минути се случила на улицата „Индустриска“ во Неготино.
Од полицијата информираат дека патничко возило „Фолксваген поло“ со кавадаречки регистарски ознаки, управувано од 58-годишниот О.И. од Демир Капија, удрило во 15-годишно девојче од Неготино.
-Во незгодата девојчето се здобило со тешки телесни повреди и по укажаната лекарска помош во Итна медицинска помош Неготино била препратена во Ургентен центар Скопје, информираат од МВР.
Увид на местото на настанот извршила екипа од Полициска станица Неготино.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа