Советниците од ВМРО-ДПМНЕ во општина Аеродром ја напуштија седницата за поддршка на притворените пратеници
Советниците од ВМРО-ДПМНЕ и Коалицијата за подобра Македонија во општина Аеродром ја напуштија седницата во знак на поддршка на притворените пратеници кои беа обвинети за тероризам по немилите настани од 27 април годинава.
-Во име на советничката група на ВМРО-ДПМНЕ и Коалицијата, по првата точка која се однесува за буџетот кој што е во интерес на сите жители на општината Аеродром ќе ја напуштиме седницата во знак на солидарност кон неправедно приведените пратеници од 27 април кои се обвинети за тероризам, ова на кратко го истакнаа членовите од советничката група на ВМРО-ДПМНЕ.
Инаку претходно веќе во неколку општини советничките групи на ВМРО-ДПМНЕ ги напуштина седниците во знак на поддршка за притворените пратеници од немилите настани на 27 април годинава.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
