Небезбедна за пиење водата од јавната чешма кај кривопаланечки Самоков

Не е безедна за пиење водата од  јавната чешма  покрај магистралниот пат  А2, кај месноста Самоков, близу граничен премин Деве Баир, кај Крива Паланка, покажува извештајот на Центарот за јавно здравје Куманово.

Од Агенцијата  за храна и ветеринарство до општина Крива Паланка е доставено известување дека добиениот наод  даден на анализа во Центарот за јавно здравје- Куманово не ги задоволува критериумите за чиста и здрава вода за пиење и користење поради зголемена содржина на нитрати во водата.

- Општина Крива Паланка преку Одделението за инспекциски надзор веднаш превзема мерки за известување пред се на месното население од населбата Трновски Самоков како и други корисници на вода  кои ја користат и сите потенцијални корисници. Поставени се известувања кај чешмата и во околината дека водата не е безбедна за пиење. Исто така ,веднаш директно е стапено во контакт со дел од жителите на населбата кои се грижат за чешмата и им се предочени соодветни мерки и прeпораки дека треба да се изврши чистење, дезинфекција и кондиционирање на водата,  а предочен им е и начинот како да се направи тоа, за да може водата од чешмата повторно да се користи за пиење, информираат од општината.

По спроведување на мерките потребно е повторно  да се изврши лабораториско испитување  на водата со цел да се утврди дали превземените мерки ќе имаат резултат. Дотогаш останува забраната за пиење вода од чешмата.