Почна состанокот на Алијанса на Албанците: Села носи одлука дали ќе остане во Владата

Централното собрание на Алијансата за Албанците во Гостивар денеска го почна редовниот состанок на кој се разгледуваат состојбите во партијата и ќе се прават подготовки за партискиот конгрес.

На состанокот во ресторанот „Арена“ во Гостивар присуствуваат делегати од партиските структури и ограноците.

Меѓу темите ќе биде и одлуката дали Алијансата за Албанците ќе остане во владината коалиција.

Се очекува лидерот на партијата Зијадин Села да даде информација по разговорите со премиерот Зоран Заев од пред три дена.