Претседателот Иванов го прими на средба новиот претседател на ВМРО-ДПМНЕ
Македонскиот претседател му честиташе на Мицкоски за изборот и му посака успех во вршењето на функцијата претседател на ВМРО-ДПМНЕ.
Претседателот на Република Македонија, Ѓорге Иванов, денеска го прими новоизбраниот претседател на политичката партија ВМРО-ДПМНЕ, Христијан Мицкоски.
Македонскиот претседател му честиташе на Мицкоски за изборот и му посака успех во вршењето на функцијата претседател на ВМРО-ДПМНЕ.
Претседателот Иванов изрази очекување дека ВМРО-ДПМНЕ како најголема опозициска партија, активно ќе дава придонес во процесите за остварување на стратешките цели на државата, како и за зачувувањето на суверенитетот, територијалниот интегритет и самостојност на Република Македонија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа