Скопјанка отишла на интервју за работа - сопругот полицаец ја извлекол од таму за коса
Во 16 часот и 30 минути вчера во Полициско одделение “Петровец“, 33-годишната Ј.К. пријавила дека околу 14 часот во фирма во село Марино, каде што била на интервју за работа, дошол нејзиниот сопруг, 36-годишниот П.К. кој е полициски службеник со кого не живеат заедно околу една година и истиот почнал да ја навредува и да ја влече за коса.
Ј.К. побарала лекарска помош во Градската општа болница “Свети Наум Охридски“ за што приложила медицинска документација.
Веднаш е известен Одделот за внатрешна контрола, криминалистички работи и професионални стандарди и од П.К. биле одземени службеното оружје, палката и лисиците за врзување. Се преземаат мерки за целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа