Драма на автопатот Скопје-Куманово: Му ставил пиштол на глава додека возел
Секторот за внатрешни работи Куманово поднесе кривична пријава против 47-годишниот Т.С. од Скопје и 37-годишниот Г.С. од Крива Паланка поради постоење основи на сомнение за сторено кривично дело ,,предизвикување општа опасност”.
На 08. месецов околу 50 минути по полноќ на автопатот Куманово-Скопје, пред бензинска пумпа во село Романовце, Т.С. со патничко возило „Волво“, откако го престигнал од лева страна товарно возило „Сканија“, управувано од 21-годишниот Д.А. од село Градско, преку прозорец извадил пиштол со цел да го запре.
Во тој момент од неговата бочна страна наишол Г.С. и со возилото започнал да го потиснува товарното возило кон неговата десна страна. Тој удрил во товарното возило, по што му пукнала гума и возилото на едниот од насилниците застанало.
Потоа, Д.А. продолжил со движење кон Скопје и во кругот на една фирма телефонски го пријавил настанот во Полициската станица Куманово, додека второпријавениот го оставил возилото на автопатот го напуштил возилото.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа