Тепачка во скопски ресторан - прво се степал со гостите, па потоа и со газдата
На 01.01.2018 година во 3 часот утрината, 24-годишниот Ф.Д. од Марино дошол во угостителски објект во населба Илинден-Скопје каде имало приватна забава, но откако не му било дозволено да влезе, Ф.Д. започнал да се однесува агресивно.
Од полиција информираат дека прво имало кратка вербална расправија, помеѓу него и 16-годишниот М.А.и 26-годишниот Б.Ѓ. од населба Илинден и 17-годишниот В.М. и 18-годишниот Д.М. од село Марино, по што следувала тепачка.
После тепачката, 42-годишниот Д.Б., сопственик на угостителскиот објект, физички го нападнал Ф.Д.
Полицијата презема мерки за целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
