Драма синоќа во скопско: Со возило поминал низ бадниковиот оган и намерно прегазил двајца
Пред 2 часот по полноќ во селото Мирковци, скопско, на местото познато како „Горно Маало“, каде по повод Бадник имало запалено оган и биле присутни повеќе граѓани, дошол И.П. од истото село, почнал да се заканува и направил драма.
Полицијата денеска информира дека тој се заканил дека со неговото возило ќе помине низ огнот и дека ќе ги прегази. Потоа, И.П. влегол во возилото „Мерцедес“ со непознати регистарски ознаки, тргнал кон присутните граѓани, поминал низ огнот и удрил во 39-годишниот М.Б. и 39-годишниот Б.К. а потоа избегал во непознат правец.
Со возило на Итна медицинска помош, М.Б. и Б.К. биле пренесени во Градската општа болница „8-ми Септември“, каде им биле констатирани телесни повреди. По укажаната лекарска помош, двајцата биле пуштени на домашно лекување.
СВР Скопје презема мерки за целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа