Гостиварчанец со возилото се заби во бетонски столб - Итно пренесен на скопски Клиники

На регионалниот пат село Градец - Гостивар се случила сообраќајна незгода во која патничко возило „Рено клио“ со гостиварски регистарски ознаки, управувано од 21-годишниот А.Д. од село Дебреше, гостиварско, удрило во бетонска бандера.

Возачот со друго возило бил пренесен во Медицински центар Гостивар, каде му биле констатирани тешки телесни повреди и поради сериозноста на повредите, со возило на Итна медицинска помош, бил пренесен во Комплексот клиники „Мајка Тереза“ во Скопје.

Увид на местото на настанот извршила екипа од Полициската станица Гостивар.