УЖ на ВМРО-ДПМНЕ оддаде почит на Тоше Проески
Унијата на жени на ВМРО-ДПМНЕ од Општинскиот комитет Крушево, по повод денот на раѓањето на Тоше Проески го посети неговиот гроб и оддаде почит.
-Тоше Проески беше и засекогаш ќе остане во нашите срца, тој беше голем хуманист, човек што знаеше да помогне на сите, уметник со огромно срце и душа во која имаше место за сите. Тоше ја заслужува нашата најголема почит – истакнаа од Унијата на жени на ВМРО-ДПМНЕ.
Од Унијата на жени информираат дека и во наредниот период ќе продолжат со активности со кои ќе се врши афирмација и оддава почит на ликовите кои оставиле трага во Македонската историја.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа