Кривичен ќе донесе одлука за притворите на осомничените за 27. април

Кривичниот совет на Основниот суд Скопје 1 денеска ќе одлучува по барањата на ОЈО за организиран криминал и корупција за продолжување на притворите за осомничените.

Обвинителството, како што денеска соопштија оттаму, бара продолжување на притворот на поранешниот министер за внатрешни работи Митко Чавков, Богдан Илиевски – Бетмен, актерот Владо Јовановски, режисерот Борис Дамовски, пратениците Крсто Мукоски, Љубен Арнаудов, Сашо Василевски и куќните притвори на Јохан Тарчуловски и Љупчо Димовски и на уште дваесетина осомничени.

Се бараат и поблаги мерки за Жаклина Пешевска, поранешниот директор на Македонска опера и балет, Игор Дуловски и за службеничката од Собрание, Елена Доцевска-Божиновска.