„Вистината за ДУИ“: Таравари – Продаван е општински имот за смешни цени
Градоначалникот на Гоствар, Арбен Таравари ги обвинува минатите власти од општината дека продавале општински имот за смешни цени. Во кампањата „Вистината за ДУИ“, градоначалникот на Гостивар, Таравари, рече дека сопственици на тие имоти се блиски луѓе до минатата власт на општина Гостивар.
Таравари истакна дека на тие имоти веќе се изградени 46 објекти, а придобивката од сето тоа изнесува стотици илјади евра.
Сепак, поранешниот градоначалник на Гостива Невзат Бејта ги негира овие обвиненија. Тој во изјава за ТВ21 рече дека за секоја работа ги почитувал законските процедури.
Таравари тврди дека за сите злоупотреби ќе бидат покренати кривични пријави, но претходно се очекува да се изврши ревизија од Државниот завод.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
