Денеска високи температури па пресврт - очекувајте невреме
Променливо облачно време со повремен дожд ќе преовладува денеска во Македонија. Врнежите ќе почнат од запад, а послаби врнежи ќе има на исток и во централните делови. Повремено ќе дува засилен ветер од јужен правец.
Утринската температура ќе се движи од нула до седум степени, а дневната од шест до 16 степени. Во Скопје слично време со утринска температура до еден степен и дневна до 13 степени.
Поинтензивни врнежите ќе бидат во сабота кога ќе има засилен, на моменти силен југозападен ветер со брзина и над 80км/ч. Локално ќе има услови за појава на пороен дожд и ретки грмежи, особено во западните подрачја.
На повисоките планини ќе има врнежи од снег. Повремени врнежи се можни и во недела претпладне кога на повисоките места на североисток ќе поминуваат во слаб снег. Од понеделник се очекува преодно стабилизирање на времето.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа