Пожар во Тетово: „Внукот ми ја запали куќата“
Вчера било пријавено дека ноќта помеѓу 1-ви и 2-ри во времето од 17.00 до 10.00 часот во Тетово на улица“108“ во куќата на 62-годишниот Н.А, од засега неутврдени причина избувнал пожар.
Од пожарот најпрвин се запалиле креветот и тепихот поставени во ходникот, а делумно била изгорена и дрвена врата од една соба. Пожарот најверојатно сам се изгаснал, а на местото на настанот на подот пронајдени биле три пластични шишиња, а во едно од нив имало мала количина на течност која мирисала на гориво - бензин, пишува во соопштението од полиција.
Сопственикот се сомневал дека пожарот бил подметнат, наводно од страна на неговиот внук Б.А. бидејќи истиот во неколку наврати преноќевал во куќата, а двајцата имале меѓусебен спор околу нивниот имот.
Увид извршила увидна екипа од СВР-Тетово и се преземаат мерки за целосно расчистување на настанот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа