Го шетал кучето а тоа искасало човек - маж од Демир Капија нападнат на улица

Во 12 часот и 30 минути вчера, 45-годишниот А.С. од Демир Капија, додека се движел  по улицата „Партизанска“ во Демир Капија, бил соборен на земја и каснат од куче.

Полицијата информира дека се работело за домашен миленик, кој му припаѓа на 59-годишниот Љ.Д.  од Демир Капија.

Кучето го каснало А.С. за левата нога во пределот на потколеницата. Веднаш потоа А.С. го пријавил случајот во Полициската станица во Демир Капија.