Дебата за задачите на Македонија во процесот на зачленување во НАТО
Членството на Република Македонија во НАТО е темата на која денеска на панел дебата ќе говорат министерката за одбрана Радмила Шекеринска, амбасадорката на Република Хрватска Данијела Баришиќ, националниот координатор за НАТО Стево Пендаровски и политичкиот аналитичар Сашо Орданоски.
Прашањата на кои ќе одговараат панелистите се однесуваат и на тоа дали спроведувањето на активностите во рамките на процесот гарантираат транспарентност на институциите и почитување на човековите права и слободи, како и на предизвиците и можностите кои се отвораат во овој процес.
Панел-дискусијата е во организација на ЦИВИЛ Медиа како дел од проектот „Слободни медиуми за слободно општество“, финансиран од Министерството за надворешни работи на Сојузна Република Германија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
