Детали: Ја убил сопругата па скокнал од покрив - и ќерката се бори за живот
Во Полициската станица Кочани утринава во 3 часот и 10 минути се јавилa женa и пријавилa дека во куќа на улицата „9-ти Мај“ во Кочани таткото ги тепал сопругата и ќерката.
-Полициски службеници излегле на местото на настанот, при што на покривот од куќата го затекнале 54-годишниот Б.А. кој кога тие дошле скокнал од покривот и починал. Во куќата во неконтактибилна состојба биле затекнати 44-годишната Л.А. сопруга на Б.А. и неговата ќерка, 22-годишната И.T. стои во известувањето од полицијата.
Од МВР информираат дека тие биле пренесени во Општата болница Кочани, каде Л.А. починала, а И.T. се уште се наоѓа во неконтактибилна состојба.
Се преземаат мерки за целосно расчистување на настанот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа