Со нож го удрил по глава и му ја расекол јакната - малолетник претепан пред зграда во Скопје

Дваесетгодишниот скопјанец Д.Г. по полноќ пријавил во Полициската станица Бит Пазар дека синоќа околу 22 часот му се јавило непознато лице кое се претставило како познаник на неговиот другар Б.Н. од село Арнакија и му рекло да излезе пред зградата во која живее, за да му ги даде парите кои Б.Н. му ги должел.

МВР информира дека пријавителот излегол, но во еден момент, Б.Н. од зад грб го удрил со рачка од нож во пределот на главата и замавнувал со ножот со намера да го повреди и притоа му ја расекол јакната.

После тоа, Б.Н. и непознатото лице побегнале, а Д.Г. го земал ножот и го однел во Полициската станица Бит Пазар. Се преземаат мерки за расчистување на настанот.