Внимание на овие патни правци: Слаба видливост поради магла и влажни коловози

Намалена видливост поради појава на магла од 50 до 60 метри има на патниот правец село Гајре – Попова Шапка и од 80 до 100 метри на планинскиот превој Плетвар, информира Автомотосојузот на Македонија (АМСМ).

Сообраќајот на државните патишта се одвива по влажни коловози. Врнежи од снег со слаб интензитет се бележат на Страцин, Маврово, Крушево и на планинските превои Ѓавато и Плетвар, но моментно не преставуваат пречка за одвивање на сообраќајот.

На одредени патни правци кои поминуват низ клисурите и усеците можна е појава на поситни одрони.