Малата Александра конечно во рацете на мајка си - полицијата ја пронајде во Маврово

6 годишната Александра Бошњаковска, од синоќа е повторно со нејзината мајка Татјана. Полицијата успеала да го пронајде девојчето во околината на Маврово и да го врати кај законскиот старател, објавува Сител. 
Според информациите на телевизијата, во моментот на претресот, Александра била со нејзината баба Снежана. 
 
„Пресреќна сум, Александра е конечно со мене, ми се оствари сонот“, вели Татјана Бошњаковска за Сител. 
 
Вчера полицијата го приведе Александар Бошњаковски, дедо на малата Александра, а судот му одреди 30 дневен притвор, за незаконско одземање на дете и за запуштање на дете. Во отсуство му е одреден притвор и на таткото на Александра, Стефан, а кривична пријава е поднесена и против чичкото Мартин и бабата Снежана. 
 
Пред две години, семејството Бошњаковски насилно ја одземало Александра, и оттогаш мајката немала никаков контакт со неа, иако со судска извршна пресуда е одлучено старателството да и припадне на Татјана Бошњаковска.
05.09.2013 - 09:19

најчитано сега