Жена прегазена пред Апелација во Скопје

Во 15 часот и 35 минути на паркингот пред Апелацискиот суд во Скопје патничко возило „Фолксваген Голф“ со скопски регистарски ознаки, управувано од 33-годишниот В.Г. од Скопје, удрило во пешак.

Полицијата информира дека се работи за 57-годишната К.П. од Скопје.

Пешакот бил пренесен во Градската општа болница „Св.Наум Охридски“, каде и била укажана лекарска помош.

Увид на местото на настанот извршила екипа од СВР Скопје.