Кирацовски-Тимоние: Преку имплементација на реформските приоритети до препорака за членство

Генералниот секретар на СДСМ и пратеник, Александар Кирацовски денеска во Собранието на РМ се сретна со амбасадорот на Република Франција во земјава, Кристијан Тимоние.

На средбата беше потврдена определбата за меѓусебна соработка и поддршка на реформските процеси во Македонија, во интерес на граѓаните, соопшти прес-службата на СДСМ.

Се разговараше за напредокот во спроведувањето на реформите од Планот 3-6-9, и можноста, преку имплементација на реформските приоритети да се обезбеди позитивна препорака за почеток на преговори за членство во Европската унија.

Двајцата соговорници разговараа и за подобрување на функционалноста на Собранието на Република Македонија, како и за унапредување на политичкиот дијалог, кој е неопходен за демократските процеси во земјата.

Во однос на унапредувањето на односите меѓу Македонија и Франција, Тимоние најави дека во следниот период Франција ќе се посвети на поттикнување на иновациите и науката во земјава, преку создавање Научна - програма за иновации.