Полицајката која тврди дека сама се удрила во пајакот денеска во Обвинителството

Полицајката која учествуваше во инцидентот со функционерот на ДУИ, Бекир Асани, денеска во Јавното обвинителство давала исказ за настанот што се случи минатата недела, пренесе Телевизија 24.

Основното јавно обвинителство вчера за ТВ 24 соопшти дека повело постапка за инцидентот и потврид дека на разговор била повикана службеничката, а надлежен обвинтиел постапува по предметот.

Претходно, полицајката се сретна со Оливер Спасовски и рече дека сама се удрила во пајакот.

-Во текот на  вршењето на редовна контрола забележав неколку возила кои се непрописно паркирани. Според процедурата, возилата ги  фотографиравме, и започнавме со нивно подигање. Во тој момент пристапи едно непознато лице за кое подоцна разбрав дека станува збор за Б.А., и почна да вика. Веднаш повикав засилување и дојдоа поголем број полициски службеници- рече Јаначковска. На прашањето од министерот дали имало било каков физички контакт и зошто полициската службеничка побарала медицинска помош, Јаначковска  објасни, дека со лицето Б.А. имала само вербална расправија, меѓутоа  при повлекување од местото на настанот таа се удрила со левата рака во специјалното возило „пајак“, но не се здобила со посериозна повреда, што било констатирано и при лекарскиот преглед во ГОБ Св. Наум Охридски, стои во соопштението на МВР.