ДУИ го поддржа протестот за малиот Алмир
Протестот што денеска се одржа пред Владата за преквалификација на случајот за малиот Алмир го поддржа и коалициониот партнер во Владата, ДУИ. На протестот присуствуваа високите функционери и пратеници од партијата, кои ги критикуваа судот и Обвинителството.
„Макфакс“ објави видео на кое се гледа како Албанското знаме беше закачено на оградата од владината зграда по завршувањето на говорот на актерот Висар Вишка и мајката на Алмир, а на истото место симболично беа поставени и слики со среден прст во знак на протест за одлуката на судот во Куманово за преквалификување на случајот, како и средниот прст што братот на осомничениот Бобан Илиќ го покажа кон семејството на Алмир.
Покрај транспарентите на кои беа испишани пораки против македонската влада и правосудството, се најде и пречкртана слика на државниот јавен обвинител, Љубомир Јовевски, со куршум на средината од неговотo чело алудирајќи на негово убиство.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа