Заев на средба со претставници од карате клубови од Македонија

Премиерот Зоран Заев, придружуван од директорот на Агенцијата за млади и спорт, Дарко Каевски и советниците за спорт, остварија средба со претставници на Карате клубови од Македонија.

На средбата беше разговарано за предизвиците со кои се соочуваат карате клубовите во своето работење, како и предлози за конструктивно надминување на пречките, со цел развој на квалитетни спортски клубови и спортисти од областа на каратето.

Директорот на АМС, Каевски, ги извести претставниците на КФМ за конкретните чекори кои се преземаат од страна на Агенцијата за решавање на проблемите во КФМ и други спортски федерации во земјава.

Тој во текот на средбата истакна дека најдоброто решение ќе произлезе од заедничките средби на сите засегнати страни.

Заев ги задолжи Каевски и и советниците за спорт да ги искористат сите алатки во нивна надлежност за да се решат отворените прашања во интерес на спортистите.