Димитров денеска во прва работна посета на Франција
Министерот за надворешни работи Никола Димитров денеска ќе престојува во прва работна посета на Француската Република.
Освен со министерот за Европа и надворешни работи Жан-Ив Ле Дриан, Димитров ќе има средба и со Филип Етјен, политички советник на францускиот претседател, како и со претседателите на групите за пријателство во Националното собрание и во Сенатот на Франција.
Во рамките на посетата, шефот на дипломатијата ќе има и излагање на тема „Постигнувањата на Владата на Република Македонија во насока на остварување на заложбите за интеграција во европските и евро-атлантските структури“ на реномираниот Институт за меѓународни односи.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа